- (626) 571-8811 ext.321
- [email protected]
Jambhalastotra
Technical Details
- Text Version:
Roman
- Input Personnel:
Miroj Shakya
- Input Date:
2023
- Proof Reader:
Miroj Shakya
- Supplier:
Nagarjuna Institute of Buddhist Studies
- Sponsor:
University of the West
- Other Version
N/A
jambhalastotra
oṁ namo jambhālāya|
śatamakhadahanacaturmukha-
hariharadivasakaranamitacaraṇayuga|
bhagavan mayi viniveśaya
duḥkhini kamalāyatāṁ dṛṣṭim||1||
udakacalukena tuṣyasi
vada bhavataḥ ko'paro dayālur ataḥ|
agaṇitapūjāvidhayas
tvatsadṛśā durlabhāḥ prāyaḥ||2||
sukhayasi durgatipatitān
anviṣyānviṣya yatnataḥ kṛpayā|
purataḥ katham api paśyasi|
kim iti na mām aśrumalinamukham||3||
pravitatakaruṇādhanuṣi
tvayy api tiṣṭhaty aho kathaṁ janatā||
durvāraduḥkhataskara-
sainyena vilupyate bhagavan||4||
vividhamaṇiratnavarṣaṁ
varṣasi kila nātha sattvahitahetoḥ|
mayi tava guṇaikaniṣṭhe
prasaranti na bindavo'pi kutaḥ||5||
tvayi sati dahanti sutarāṁ
jvālā iva pāvakasya māṁ vipadaḥ|
tribhuvanagṛhītabhārā
karuṇādhenuḥ kuto yātā||6||
(1)
bhadraghaṭakalpapādapa-
cintāmaṇayo 'py acetanāvantaḥ|
te 'pi sukhayanti sattvān
kim u bhagavān svīkṛtaḥ kṛpayā||7||
jambhalajalendra iti yaḥ
kṣaṇam api gṛhṇāti nāmadheyaṁ te|
kamalākara iva tasmin
nivasati lakṣmīḥ sphuratkamalā||8||
iti tava hatabhava purataḥ
kṛtvākrandaṁ visarpi yat puṇyam|
tena samīhitaphaladas
tvam iva jano jāyatāṁ bhagavan||9||
iti candragomiviracitaṁ jambhalastotraṁ samāptam||
(2)
The rights of the materials herein are as indicated by the source(s) cited. Rights in the compilation, indexing, and transliteration are held by University of the West where permitted by law. See Usage Policy for details.
Our Address
Newsletter
Subscribe to our newsletter for latest updates about the canon text of our project