• Home
• Canon Text
• Romanized
• śāstrapiṭaka
• yoginītantraṭīkā
• Nairātmyāyā Bhagavatyā Āśīḥstutiḥ

Nairātmyāyā Bhagavatyā Āśīḥstutiḥ

Technical Details

p.7

nairātmyāyā bhagavatyā āśīḥstutiḥ

oṁ namaḥ śrīnairātmāyai |

kleśā(śa)cchedā[di]kartrī sarucamahinibhāmbibhratī savyadiṣṇā

bhāvābhāvāntakārddhāmparibhṛtamasṛjā mārahānyā nadoṣṇā |

cakraiścitraiścaturbhirbhagā(ga)hṛdayagaloṣṇīṣadeśeṣu yuktā 

nairātmyā vo dadātā(vidadyā)cchamasukhamasamaṁ sarvadā raudrarūpāṁ(pā) ||1||

bhāsvat khaṭvāṅgaghaṇṭāravasukhitajanā netrabhāga(?)dagdhaduṣṭā

prajñopāyālikāliprakṛtinaraśiromālabhārā natāṅgī |

śrāpa(svāpe) svāntenduvimbe vihitanivā(va)satiḥ sāpi paryaṅkanṛtyā

nairātmānandarūpā jinagaṇajananī pātu vaḥ pāpahantrī ||2||

tadvatyāstāṇḍavaṁ sajjinahṛdayahṛdo duṣṭasantrāsakartryā

devyā nairātmikāyā vijitamadhudarābhendranīlāñjanāyāḥ |

nīlāmbhojadā(bhojā)ntarasthā taḍidiva kuṭilā bhāsurātīvatīkṣṇā

kartrī hantrī khilānāṁ śamayatukaluṣaṁ kāyavāṅmāsamvaḥ ||3||

trāsādvibhrāṇarudramdivasavasurasaṁ sādhyakaṁ niḥsvaviśva -

nirbhāṣā(sā)bhāsvarākhyaṁ muṣitanuṣitakaṁ nirgatādityakṛtyam |

asya hyasya arutkaṁ (?) vigatamahamahārājikaṁ ragla (tna?)rakṣo

nṛtyannairātmikāyā bhavatu bhayaharaṁ bhīmamṛ(vṛ)tteḥ sadā vaḥ ||4||

nṛtyantī na[va]bhī rasairanupamairaṭṭa(ṭṭā)ṭṭahāsā'sitā

cakrīkuṇḍalakaṇṭhikārucakasatkāñcīguṇānbibhratī

piṅgordhvasthakarā karoṭakakarā kartrīdharā sasvanā

meghālīva balākinī sacapalā nairātmikā vo'vatu ||5||

p.8

devyā nirjitabhinnakajjalarucā nairātmyayā yatsvayaṁ

śuklaṁ padmamidaṅkare vinihitaṁ vāme vilagnopage |

pūrṇaṁ pūrayatāntavābhilaṣitaṁ raktena raktodaraṁ

līlābdā(bjā)ntaravartti saṁpuṭamiva prodbhāsi candrārkayoḥ ||6||

vāmasthā lalanāhvayā jalavahā prajñāṁśikā śūnyatā 

savyasthā rasanāhvayāṅgajavahā kāruṇyabhāvātmikā |

madhyasthā tvavadhūtikā madavahā yā'bhinnarūpādvayā

sā nāḍītrayarūpiṇī bhagavatī nairātmikā pātu vaḥ ||7||

samāpteyaṁ nairātmyāyā bhagavatyā āśī(śīḥ)stutiḥ ||