• Home
• Canon Text
• Romanized
• sūtrapiṭaka
• caturāgama
• ālavakasūttam

ālavakasūttam

Technical Details

chatracaryā

p.12

jayaṁ prāpnuvantaḥ pitrārjitaṁ dhanaṁ vṛthā vyayīkurvanto na kiñcidapi phalaṁ prāpnuvanti | ata eva hyadyatanā bālā īdṛśacaryāvikalāḥ paṇḍitamahāśayānāmivābhyāsaparipāṭīmalabhamānāḥ svopajīvanāyāpyaprabhaviṣṇavo bhavanti | etādṛśīñca duravasthāṁ katipayānāmapi nirāsayitukāmairvibudhagaṇamaṇimukuṭai rasabharamedureṇa pīyūṣamapyadharīkurvatā svakavitāprapañcena vidvajjanānāmanyeṣāñcātitarāmāhlādaṁ janayadbhiḥ, nānābirudalāñchitairmahāmahimaśālibhiḥ keralavarmadevaiḥ protsāhitenaṁ sakaladharmamūlenānvarthanāmnā paramakāruṇika-śrīmūlakamahārājena sacchātravṛttyadhiṣṭhāpitāyāmasyāṁ pāṭhaśālāyāmadhīyānā vayaṁ kṛtajñatāsūcakamaparaṁ katumakṣamāḥ kevalamidamāśāsmahe -

śrīmatkeralavarmadevanipuṇaprajñāsamālocita-

śreṣṭhārambhagṛhītadharmyadhiṣaṇassantrāyamāṇo bhuvam |

sūtrāmeva divaṁ bṛhaspatimatiprakrāntadharmotkaraḥ

śrīmān mūlakabhūpatirvijayatāmācandratāraṁ sukhī ||

padmanābhaśāstrī |

trivendram , trivaṅkuram |

ālavakasūttam

( āḍavakasūtram )

mūlapālibhāṣātaḥ pratyakṣarānuvādarūpam |

namastasmai bhagavate arhate samyak sambuddhāya |

p.13

evaṁ mayā śrutamḥ -

ekasmin samaye (1) bhagavān ālavyām (2) viharati ālavakasya yakṣasya bhavane | atha khalu ālavako yakṣo yenaṁ bhagavān tenopasaṁkrāntaḥ | upasaṁkramya bhagavantametadavocatḥ -

" niṣkrāma śramaṇeti " |

" sādhu bandho " (3), iti bhagavān niṣkrāntaḥ |

"praviśa śramaṇeti" |

" sādhu, bandho" iti bhagavān prāvikṣat |

dvitīyamapi khalu ālavako yakṣo bhagavantametadavocatḥ -

"niṣkrāma śramaṇeti" |

" sādhu, bandho" iti bhagavān niṣkrantaḥ |

"praviśa śramaṇeti" |

" sādhu, bandho" iti bhagavān prāvikṣat |

tṛtīyamapi khalu ālavako yakṣo bhagavantametadevāvocatḥ -

"niṣkrāma śramaṇeti" |

"sādhu, bandho" iti bhagavān niṣkrāntaḥ |

"praviśa śramaṇeti" |

"sādhu, bandho" iti bhagavān prāvikṣat |

caturthamapi khalvāṁlaṣako yakṣo bhagavantametadevāvocatḥ -

"niṣkrāma śramaṇeti" |

"na khalu punarahaṁ bandho niṣkramiṣyāmi, yatte karaṇīyaṁ tatkuru" |

" praśnaṁ tvāṁ śramaṇā, prakṣyāmi, sa cenme na vyākariṣyasi, cittaṁ vā

p.14

te kṣepsyāmi, hṛdayaṁ vā te phālayiṣyāmi (1), pādeṣu vā gṛhītvā pāraṁ gaṅgāyāḥ kṣepsyāmīti" |

" na khalvahaṁ taṁ bandho, paśyāmi sadevake loke samārake (2) sabrahmake, saśramaṇābrāhmaṇāyāṁ prajāyāṁ sadevamanuṣyāyāṁ yo me cittaṁ vā kṣipet, hṛdayaṁ vā phālayet, pādeṣu vā gṛhītvā pāraṁ gaṅgāyāḥ kṣipet | api ca tvaṁ bandho pṛccha yadākāṅghasīti" |

1

" kiṁ svidiha vittaṁ puruṣasya śreṣṭhaṁ,

kiṁsvit sucaritaṁ(3) sukhamāvahati |

kiṁ svid ha vai sādhutaraṁ rasānāṁ,

kathaṁ jīvi jīvitamāhuḥ śreṣṭham ||"

2

" śraddheti vittaṁ puruṣasya śreṣṭhaṁ,

dharmaḥ sucaritaḥ sukhamāvahati |

satyaṁ ha vai sādhutaraṁ rasānām,

prajñāṁ jīvijīvitamāhuḥ śreṣṭham ||"

3

kathaṁ svit tarati oghaṁ,

kathaṁ tarati arṇavam (4) |

kathaṁ svid duḥkhamatyeti,

kathaṁ svit pariśudhyati ||

p.15

4

śraddhayā tarati ogham,

apramādena arṇavam |

vīryeṇa duḥkhamatyeti,

prajñayā pariśudhyati ||

5

kathaṁ svillabhate prajñāṁ, kathaṁsvid vindate ghanam |

kathaṁ svit kīrtti prāpnoti, kathaṁ mitrāṇi grathnāti (1) |

asmāllokāt paraṁ lokaṁ kathaṁ pretya na śocati ||

6

śraddadhāno'rhatāṁ dharma nirvāṇapattyā (2) |

śuśrūṣamāṇo labhate prajñāmapramatto vicakṣaṇaḥ ||

pratirūpakārī dhurāvān vyutthito vindate dhanam |

satyena kīrttiṁ prāpnoti, dadanmitrāṇi grathnāti |

asmāllokāt paraṁ lokamevaṁ pretya na śocati |

yasyaite catvāro dharmāḥ saśraddhasya (3) gṛhamedhinaḥ |

satyaṁ dharmo dhṛtistyāgaḥ sa vai pretya na śocati ||

"iṅgha" (4) anyān pṛccha pṛthak śramaṇabrāhmaṇān |

yadi satyād dharmāt tyāgāt kṣāntyā bhūyo'tha vidyate ||

p.16

7

kathaṁ nvidānīṁ pṛccheyaṁ pṛthak śramaṇābrāhmaṇān |

so'hamadya vijānāmi so'rthaḥ sāmparāyikaḥ (1) ||

arthāya bata me buddho vāsāya ālāvīm (2) āgataḥ |

so'hamadya vijānāmi yatra dattaṁ mahāphalam |

so'haṁ vicariṣyāmi grāmād grāmaṁ purātpuram |

namasyan sambuddhaṁ dharmasya ca sudharmaṁ tam ||

iti ālavakasūtram |

vidhuśekharaśarmā |

sāharāmarubhūḥ

priyavācamahābhāgāḥ ! smaryatāṁ bhavadbhirbhuvabhūteḥ sūktiratnaṁ -

purā yatra srotaḥ pulinamadhunā tatra saritāṁ

viparyāsaṁ yāto ghanaviralabhāvaḥ kṣitiruhām |

bahordṛṣṭaṁ kālādaparamiva manye vanamidaṁ

niveśaḥ śailānāṁ tadidamiti buddhiṁ draḍhayati || iti |

gacchatā punaḥ kālena śailā api sakatībhavanti | tannaitadāścaya yanmarubhūśiromaṇiḥ sāharāpi ṣaṭsahasravarṣataḥ pūrva saraḥsaridādisanāthā samṛddhatamā mahānagaryāsīditi | sāmprataṁ 45 pharāsīyavaijñānikaiḥ samagrāṁ sāhārābhūmiṁ paribhramyaitannirṇītam | sarvaṁ haratīti marubhuvo'syāḥ sā haretyanvarthā samākhyā | prasiddhaviṣayakastacchabdaḥ |