• Home
• Canon Text
• Romanized
• sūtrapiṭaka
• nirdeśa
• svastyayanagāthā

svastyayanagāthā

Technical Details

Svastyayanagāthā

namo'stu buddhāya namo'stu bodhaeye

namo vimuktāya namo vimuktaye |

namo'stu jñānasya namo'stu jñānino

lokāgraśreṣṭhāya namo karotha ||1||

yānīha bhūtāni samāgatāni

bhūmyāni vā yāni va antarīkṣe |

sarvāṇi vā āttamanāni bhūtvā

śṛṇvantu svastyayanaṁ jinena bhāṣitaṁ ||2||

imasmiṁ vā loke parasmiṁ vā punaḥ

svargeṣu vā yaṁ ratanaṁ praṇītaṁ |

na taṁ samaṁ asti tathāgatena

devātidevena narottamena |

imaṁ pi buddhe ratanaṁ praṇītaṁ

etena satyena susvasti bhotu

manuṣyato vā amanuṣyato vā ||3||

[kṣayaṁ virāgaṁ amṛtaṁ praṇītaṁ

yadadhyagāt śākyamuniḥ samāhitaḥ |

na tena dharmeṇa samamasti kiñcit |]

idaṁ pi dharme ratanaṁ praṇītaṁ |

etena satyena susvasti bhotu

manuṣyato vā amanuṣyato vā ||4||

yaṁ buddheśreṣṭho parivarṇaye śuciṁ

yamāhu ānantariyaṁ samādhiṁ

samādhino tasya samo na vidyate |

idaṁ pi dharme ratanaṁ praṇītaṁ

etena satyena susvasti bhotu

manuṣyato vā amanuṣyato vā ||5||

ya pudgalā aṣṭa sadā praśastā

catvāri etāni yugani bhonti |

te dakṣiṇīyā sugatena uktāḥ

etāni dinnāni mahatphalāni |

idaṁ pi saṁghe ratanaṁ praṇītaṁ

etena satyena susvasti bhotu

manuṣyato vā amanuṣyato vā ||6||

sarvaiva yasya darśanasaṁpadāyo

trayo'sya dharmā jahitā bhavanti |

satkāyadṛṣṭī vicikitsitaṁ ca

śīlavrataṁ cāpi yadasti kiṁcit |

idaṁ pi saṁghe ratanaṁ praṇītaṁ

etena satyena susvasti bhotu

manuṣyato vā amanuṣyato vā ||7||

kiṁcāpi śaikṣo prakaroti pāpaṁ

kāyena vācā atha cetasāpi |

abhavyo so tasya nigūhanāya

abhavyatā dṛṣṭapatheṣu uktā |

idaṁ pi saṁghe ratanaṁ praṇītaṁ

etena satyena susvasti bhotu

manuṣyato vā amanuṣyato vā ||8||

yathendrakīlo pṛthivīsanniśrito syā

catūrbhi vātehi asaṁprakampi |

tathopamaṁ satpuruṣaṁ vademi

yo āryasatyāni sudeśitāni

gambhīrārthāni athetya paśyati |

idaṁ pi saṁdhe ratanaṁ praṇītaṁ

etena satyena susvasti bhotu

manuṣyato vā amanuṣyato vā ||9||

ye āryasatyāni vibhāvayanti

gambhīraprajñena sudeśitāni |

kiṁcāpi te bhonti bhṛśaṁ pramattā

na te bhavāṁ aṣṭa upādiyanti |

idaṁ pi saṁghe ratanaṁ praṇītaṁ

etena satyena susvasti bhotu

manuṣyato vā amanuṣyato vā ||10||

ye yuktayogī manasā succhandasā

naiṣkramyiṇo gautamaśāsanasmiṁ |

te prāptiprāptā amṛtaṁ bigāhya

vimuktacittā nirvṛtiṁ bhuṁjamānā |

idaṁ pi saṁghe ratanaṁ praṇītaṁ

etena satyena susvasti bhotu

manuṣyato vā amanuṣyato vā ||11||

kṣīṇaṁ purāṇaṁ navo nāsti saṁcayo

vimuktā āyatike bhavasmiṁ

te kṣīṇabījā avirūḍhidharmā

nirvānti dhīrā yatha tailadīpā |

idaṁ pi saṁghe ratanaṁ praṇītaṁ

etena satyena susvasti bhotu

manuṣyo vā amanuṣyato vā ||12||

agniryathā prajvalito niṣīde

indhanakṣayā śāmyati vegajāto |

evaṁvidhaṁ dhyāyino buddhaputrāḥ

prajñāya rāgānuśayaṁ grahetvā

adarśanaṁ mṛtyurājasya yānti |

idaṁ pi saṁghe ratanaṁ praṇītaṁ

manuṣyato vā amanuṣyato vā ||13||

grīṣmāṇamāse prathame caitrasmiṁ

vane pragulmā yatha puṣpitāgrā

vāteritā te surabhiṁ pravānti |

evaṁvidhaṁ dhyāyino buddhaputrāḥ

śīlenupetā surabhiṁ pravānti |

idaṁ pi saṁghe ratanaṁ praṇītaṁ

etena satyena susvasti bhotu

manuṣyato vā amanuṣyato vā ||14||

yānīha bhūtāni samāgatāni

bhūmyāni vā yāni va antarīkṣe |

maitrīkarontu sada manuṣyakā prajā

divaṁ ca rātriṁ ca haranti vo baliṁ |

tasmāddhi taṁ rakṣatha apramattā

mātā va putraṁ anukampamānā |

etena satyena susvasti bhotu

manuṣyato vā amanuṣyato vā ||15||

vipaśyismiṁ viśvabhuvi krakucchande

bhāmakanakamunismiṁ kāśyate

mahāvaśe śākyamunismiṁ gautame |

etehi buddhehi mahāddhiṁkehi

yā devatā santi abhiprasannā |

vāḍhaṁ pi taṁ rakṣayantu ca karontu

svastyayanaṁ mānuṣikaprajāye |

tasmā hi taṁ rakṣatha apramattā

mātā va putraṁ anukampamāna |

[etaṁ pi saṁghe ratanaṁ praṇītaṁ]

etena satyena susvasti bhotu

manuṣyato vā amanuṣyato vā ||16||

yo dharmacakraṁ abhibhūya lokaṁ

pravartayati sarvabhūtamukampitaṁ |

etādṛśaṁ devamanuṣyaśreṣṭhaṁ

buddhaṁ namasyāmi susvasti bhotu |

dharmaṁ namasyāmi susvasti bhotu

saṁghaṁ namasyāmi susvasti bhotu

manuṣyato vā amanuṣyato va ||17||

 

[iti svastyayanagāthā]