• Home
• Canon Text
• Romanized
• sūtrapiṭaka
• prajñāpāramitā
• Adhyardhaśatikā prajñāpāramitā (New edition)

Adhyardhaśatikā prajñāpāramitā (New edition)

Technical Details

|Adhyardhaśatikā prajñāpāramitā ||

namo namaḥ sarvabuddhabodhisattvebhyaḥ || namo bhagavatyā āryaprajñāpāramitāyai ||

evaṁ mayā śrutamekasminsamaye bhagavānsarvatathāga-tavajrādhiṣṭhānasamayajñānavividhaviśeṣasamanvāgataḥ sarvatathāgataratnamukuṭatraidhātukābhiṣekaprāptaḥ sarvatathāgatasarvajñajñānamahāyogeśvaraḥ sarvatathāgatasarvamudrāsamatādhigato viśvakāryakaraṇatayāśeṣānavaśeṣasattva-dhātusarvāśāparipūrisarvakarmakṛnmahāvairocanaḥ śāśvatastryadhvasamatāsthitasarvakāyavākcittavajrastathāgataḥ sarvatathāgatādhyuṣitapraśastabhūṣite mahāmaṇiratnapratyupte vicitravarṇaghaṇṭāvasaktramārutoddhūpaṭṭapatākāsragdāma-cāmarahārārdhahāracandropaśobhite sarvakāmadhātūpari paranirmitavaśavartino devarājasya bhavane vijahāra ||

aṣṭābhirbodhisattvakoṭībhiḥ sārdham | tadyathā - vajrapāṇinā ca bodhisattvena mahāsattvena, avalokiteśvareṇa ca bodhisattvena mahāsattvena, ākāśagarbheṇa ca bodhisattvena mahāsattvena , vajramuṣṭinā ca bodhisattvena mahāsattvena, mañjuśriyā ca bodhisattvena mahāsattvena, sahacittotpāditadharmacakrapravartinā ca bodhisattvena mahāsattvena, gaganagañjena ca bodhisattvena mahāsattvena, sarvamārabalapramardinā ca bodhisattvena mahāsattvena ||

evamprabhukhābhiraṣṭābhirbodhisattvaokoṭībhiḥ parivṛtaḥ puraskṛto dharaṁ deśayati sma | ādau kalyāṇaṁ madhye kalyāṇaṁ paryavasāne kalyāṇaṁ svarthaṁ suvyañjanaṁ kevalaṁ paripūrṇaṁ pariśuddhaṁ paryavadātaṁ sarvadharmaviśuddhimukhaṁ brahmacaryaṁ samprakāśayati sma ||

yaduta sarvadharmasvabhāvaviśuddhimukhaṁ nāma prajñāpāramitānayaṁ deśayati sma | tadyathā - (1) surataviśuddhipadameta-dyaduta bodhisattvapadam | (2) rāgavāṇaviśuddhipadametadya-duta bodhisattvapadam | (3) dveṣavahniviśuddhipadametadyaduta bodhisattvapadam | (4) snehabandhanaviśuddhipadametadyaduta bodhisattvapadam | (5) sarvaiśvaryādhipatyaviśuddhipadametadyaduta bodhisattvapadam || (6) dṛṣṭiviśuddhipadametadyaduta bodhisattvapadam | (7) rativiśuddhipadametadyaduta bodhisattvapadam | (8) tṛṣṇāviśuddhipadametadyaduta bodhisattvapadam | (9)

garvaviśuddhipadametadyaduta bodhisattvapadam | (10) bhūṣaṇaviśuddhipadametadyaduta bodhisattvapadam | (11) manohlādanaviśuddhipadametadyaduta bodhisattvapadam | (12) ālokaviśuddhipadametadyaduta bodhisattvapadam | (13) kāyaviśuddhipadametadyaduta bodhisattvapadam | (14) kāyasukhaviśuddhipadametadyaduta bodhisattvapadam | (15) rūpaviśuddhipadametadyaduta bodhisattvapadam | (16) śabdaviśuddhipadametadyaduta bodhisattvapadam | (17) gandhaviśuddhipadametadyaduta bodhisattvapadam | (18) rasaviśuddhipadametadyaduta bodhisattvapadam | (19) sparśaviśuddhipadametadyaduta bodhisattvapadam | (20) dharmaviśuddhipadametadyaduta bodhisattvapadam | tatkasya hetoḥ | tathā hi sarvadharmāḥ svabhāvaviśuddhā sarvadharmāsvabhāvatayā prajñāpāramitāviśuddhiteti ||

yaḥ kaścidvajrapāṇe imaṁ sarvadharmasvabhāvaviśuddhipadanirhāranāmadheyaṁ prajñāpāramitānayaṁ sakṛdapi śroṣyati tasyā bodhimaṇḍātsarvajñeyāvaraṇakleśāvaraṇakarmāvaraṇāni mahāntyapyupacinvato na kadācidapi narakādyapāyopapattirbhaviṣyati | pāpāni ca kṛtamātrāṇyaduḥkhataḥ kṣayaṁ yāsyanti | yaśca dhārayiṣyati dine dine vācayiṣyati svādhyāyiṣyati yoniśaśca manasikariṣyati sa ihaiva janmani sarvadharmasamatāvajrasamādhipratilambhātsarvadharmeśvaro bhaviṣyati | sarvaratiprītiprāmodyānyanubhaviṣyati | ṣoḍaśame mahābodhisattvajanmani tathāgatattvaṁ pratilapsyate vajradharatvaṁ ceti ||

atha bhagavānsarvatathāgatamahāyānābhisamayaḥ sarvamaṇḍalaḥ sakalavajradhātvagyasattvaḥ sakalatraidhātukasarvatrilo-kavijayyaśeṣānavaśeṣasattvadhātuvinayanasamarthaḥ sarvārthasiddhaḥ sarvavajrapāṇirmahāsamayo 'nekavajramahāguhyasattvaparivāra imameva prajñāpāramitānayārthamuddyotayanprahasitavadanastadādyaṁ mahāvajraṁ vāmagarvollālanatayā svahṛdyutkarṣaṇayogena dhārayannidaṁ mahāsukhavajrāmoghasamayaṁ nāma svatattvahṛdayamagāt - hūṁ ||

atha bhagavānvairocanastathāgataḥ punarapīmaṁ prajñāpāramitānayaṁ sarvatathāgatavajradharmatābhisambodhinirhāraṁ nāma deśayati sma - vajrasamatābhisambodho mahābodhirvajradṛḍhatayā | arthasamatābhisambodho mahābodhirekārthatayā | dharmasamatābhisambodho mahābodhiḥ sarvadharmaviśuddhitayā | sarvasamatābhisambodho mahābodhiḥ sarvadharmasvabhāvāvikalpatayeti ||

yaḥ kaścidvajrapāṇe imāṁścaturo dharmavihārāñśroṣyati dhārayiṣyati vācayiṣyati bhāvayiṣyati sa sarvapāpasamācāro 'pi sarvāpāyasamatikrānto bhaviṣyatyā bodhimaṇḍāt | kṣipraṁ cānuttarāṁ samyaksambodhimabhisambhotsyata iti ||

athedamukttrā bhagavāñjñānamuṣṭiparigraha idamevārthapadaṁ bhūyasyā mātrayoddīpayansmitamukha idaṁ sarvadharmasamatāhṛdayamabhāṣata - vajra āḥ ||

atha bhagavānsarvaduṣṭavinayanaśākyamunistathāgataḥ punarapi sarvadharmasamatāvijayasaṅgrahaṁ nāma prajñāpāramitānirhāramabhāṣata - rāgāprapañcatayā dveṣāprapañcatā | dveṣāprapañcatayā mohāprapañcatā | mohāprapañcatayā sarvadharmāprapañcatā | sarvadharmāprapañcatayā prajñāpāramitāprapañcatā veditavyeti ||

yaḥ kaścidvajrapāṇe imaṁ prajñāpāramitānayaṁ śroṣyati dhārayiṣyati vācayiṣyati bhāvayiṣyati tasya traidhātukopapannānapi sarvasattvānprapātayato nāpāyagamanaṁ bhaviṣyati vinayavaśamupādāya | kṣipraṁ cānuttarāṁ samyaksambodhimabhisambhotsyata iti ||

atha vajrapāṇirimameva dharmatārthaṁ bhūyasyā mātrayoddīpayaṁstrilokavijayavajrāṁ nāma mudrāṁ baddbā sabhrukuṭibhrū-bhaṅgadīptadṛṣṭivihasitaruṣiteṣaddaṁṣṭrākarālavadanakamalaḥ pratyālīḍhasthānastha idaṁ vajrahūṁkāraṁ nāma hṛdayamabhāṣata - vajra hūṁ ||

atha bhagavānsvabhāvaviśuddhadharmatāprāptastathāgataḥ punarapīmaṁ sarvadharmasamatāvalokiteśvarajñānamudraṁ nāma prajñāpāramitānayārthamabhāṣata - sarvarāgaviśuddhitā loke sarvadveṣaviśuddhitāyai saṁvartate | sarvamalaviśuddhitā loke sarvapāpaviśuddhitāyai saṁvartate | sarvadharmaviśuddhitā loke sarvasattvaviśuddhitāyai saṁvartate | sarvajñānaviśuddhitā loke prajñāpāramitāviśuddhitāyai saṁvartate ||

yaḥ kaścidvajrapāṇe imaṁ nayaṁ śroṣyati dhārayiṣyati vācayiṣyati bhāvayiṣyati sa sarvarāgamadhyasthito 'pi padmamiva rāgadoṣairna malairāgantukairlepaṁ yāsyati | kṣipraṁ cānuttarāṁ samyaksambodhimabhisambhotsyata iti ||

atha bhagavānavalokiteśvaro bodhisattvo mahāsattva imamevārthapadaṁ bhūyasyā mātrayoddīpayanprahasitavadanaḥ padmapattravikāsanatayā rāgādinirlepatāmavalokayannidaṁ sarvajagadviśvarūpapadmaṁ nāma hṛdayamabhāṣata - hrīḥ ||

atha bhagavānsarvatraidhātukādhipatistathāgataḥ punarapi sarvatathāgatābhiṣekasambhavajñānagarbha nāma prajñāpāramitānayārthamabhāṣata - abhiṣekadānaṁ sarvatraidhātukarājyapratilambhāya saṁvartate | arthadānaṁ sarvāśāparipūryai saṁvartate | dharmadānaṁ sarvadharmasamatāprāptyai saṁvartate | āmiṣadānaṁ sarvakāyavākcittasukhapratilambhāya saṁvartate ||

athākāśagarbho bodhisattvo mahāsattvaḥ prahasitavadano bhūtvā svaśirasi vajraratnābhiṣekamālāmavabandhayannimameva dharmatārthaṁ bhūyasyā mātrayoddīpayannidaṁ sarvābhiṣekasamayaratnaṁ nāma hṛdayamabhāṣata - trāṁ ||

atha bhagavānsarvatathāgatajñānamudrāprāptaḥ sarvatathāgatamuṣṭidharaḥ sarvatathāgataḥ śāśvataḥ punarapīmaṁ sarvatathāgatajñānamudrādhiṣṭhānavajraṁ nāma prajñāpāramitānayārthamabhāṣata - sarvatathāgatakāyamudrāparigrahaḥ sarvatathāgatvāya savartate | sarvatathāgatavāṅbhudrāparigrahaḥ sarvadharmapratilambhāya saṁvartate | sarvatathāgatacittamudrāparigrahaḥ sarvasamādhipratilambhāya saṁvartate | sarvatathāgatavajramudrāparigrahaḥ sarvakāyavākcittavajratvottamasiddyai saṁvartate ||

yaḥ kaścidvajrapāṇe imaṁ dharmaparyāyaṁ śroṣyati dhārayiṣyati vācayiṣyatyuddekṣyati bhāvayiṣyati sa sarvasiddhīḥ sarvasampattīḥ sarvajñānāni sarvakāryāṇi sarvakāyavākcittavajratvasarvottamasiddhiṁ ca pratilapsyate | kṣipraṁ cānuttarāṁ samyaksambodhimabhisambhotsyata iti ||

atha bhagavānvajramuṣṭirmahāsamayavajramudrāparigraha imamevārthaṁ bhūyasyā mātrayoddīpayanprahasitavadana idaṁ sarvadṛḍhavajramudrāsiddhisamayaṁ nāma hṛdayamabhāṣata - aḥ ||

atha bhagavānsarvadharmasamatāprapañcastathāgataḥ punarapīmaṁ cakrākṣaraparivartaṁ nāma prajñāpāramitānayārthamabhāṣata - śūnyāḥ sarvadharmā niḥsvabhāvatāyogena | animittāḥ sarvadharmā nirnimittatāmupādāya | apraṇihitāḥ sarvadharmā apraṇidhānayogena | prakṛtiprabhāsvarāḥ sarvadharmāḥ prajñāpāramitāpariśuddyā ||

22-31 (misśing) 

t tatra mahāvajre śvara idaṁ tattvahṛdayamagāt  - oṁ vajranetrībhyaḥ svāhā |

atha bhagavānanantāparyantaniṣṭhastathāgato 'paryantaniṣṭha dharmā punarapyasya kalpasya pariniṣṭhādhiṣṭhānārthamimaṁ sarvadharmasamatāpariniṣṭhānavajraṁ nāma prajñāpāramitānayārthamabhāṣata - prajñāpāramitānantatayā sarvatathāgatānantatā | prajñāpāramitāparyantatayā sarvadharmāparyantatā | prajñāpāramitānekatayā sarvadharmānekatā | prajñāpāramitāpariniṣṭhatayā sarvadharmāpariniṣṭhatā bhavati ||

vajra oṁ sarvadharmatāprapañco hili sarvadharmatā mili sarvānurāgiṇi svāhā ||

yaḥ kaścidvajrapāṇe imaṁ dharmaparyāyaṁ śroṣyati dhārayiṣyati vācayiṣyatyuddekṣyati pravartayiṣyati bhāvayiṣyati tasyāniṣṭhāṁ buddhabodhisattvacayāṁ gatvā sarvāvaraṇapariniṣṭhatayā tathāgatatvaṁ vajradharatvaṁ vāśu bhaviṣyati ||

namaḥ sarvatathāgatānāṁ namaḥ sarvavajradharāṇām | oṁ bhagavannārātpāraṁ viśodhaya svāhā || oṁkārapūrvaṅgamādodhottāraṇaṁ kariṣyāmi sarvasattvānām ||

atha sarvatathāgatāḥ samājamāgamyāsya dharmaparyāyasyāmoghamapratihatāśusiddyarthaṁ vajrapāṇaye sādhukāramadāt -

 sādhu sādhu mahāsattva sādhu sādhu mahāsukha |

sadhu sādhu mahāyāna sādhu sādhu mahāmate ||1||

subhāṣitamidaṁ kalpaṁ vajrasūtramadhiṣṭhitam |

sarvavajradharairbuddhairamoghavinayottamam ||2||

dhārayiṣyanti ye hīmaṁ kalparājamanuttaram |

adhṛṣṭāścāghātavyāśca sarvamārādibhistu te ||3||

buddhatvaṁ bodhisattvatvamuttamāḥ sarvasiddhayaḥ |

acirādeva lapsyante sarvabuddhavaco yathā ||4||

idamutkā tu sarvāgrāḥ sarvabuddhāḥ sasauraghanāḥ |

vajriṇā guhyasiddharthyaṁ bhāṣitaṁ cābhyanandi te ||5||

atha bhagavānvairocanastathāgataḥ sarvatathāgataguhyadharmatāprāptaḥ sarvadharmāprapañcaḥ punarapīdaṁ mahāsukhavajrāmoghasamayaṁ nāmāmoghavajradharmasamatāprajñāpāramitānayamukhaṁ paramādyanādinidhanamadhyamuttamamabhāṣata - mahārāgottamasiddhirmahābodhisattvānāṁ mahāsukhottamasiddhyai saṁvartate | mahāsukhottamasiddhirmahābodhisattvānāṁ sarvatathāgatamahābodhyuttamasiddhyai saṁvartate | sarvatathāgata-mahābodhyuttamasiddhirmahābodhisattvānāṁ sarvamahāmārapramardanottamasiddhyai saṁvartate | sarvamahāmārapramardanottamasiddhirmahābodhisattvānāṁ sarvatraidhātukādhipatyottamasiddhyai saṁvartate | sakalatraidhātukaiśvaryottamasiddhirmahābodhi-sattvānāmaśeṣānavaśeṣasattvadhātuviśodhanādhyavasā-yahetvarthenetyāsaṁsārādhyavasāyināṁ mahāvīryāṇāṁ mahāsattvānāmaśeṣānavaśeṣasattvadhātuparitrāṇasarvahitasukhottamasiddhyai saṁvartate ||

oṁ vajra | oṁ sarvatathāgatamāte | mahāsukhavajradhāriṇi | sarvasamatāpraveśani | sarvaduḥkhakṣayaṅkari | sarvasukhapradāyi ke | sarvasukhapradāyini svāhā ||

tatkasya hetoḥ -

yāvatsaṁsāravāsasthā bhavanti varasūrayaḥ |

tāvatsattvārthamatulaṁ śaktrāḥ kartumanirvṛtāḥ ||6||

prajñāpāramitopāyajñānādhiṣṭhānavāsitāḥ |

sarvadharmaviśuddhyāṁ tu bhavaśuddhā bhavanti ha ||7||

rāgādivinayo loka ā bhavātpāpakṛtsadā |

teṣāṁ viśodhanārthaṁ tu vinayantyā bhavātsvayam ||8||

yathā padmaṁ suraktaṁ tu rāgadoṣairna lipyate |

vāsadoṣairbhave nityaṁ na lipyante jagaddhitāḥ ||9||

mahārāgaviśuddhāstu mahāsaukhyā mahādhanāḥ |

tridhātvīśvaratāṁ prāptāḥ sattvārthaṁ kurvate dṛḍham ||10||

iti ||

yaḥ kaścidvajrapāṇe imaṁ paramādyaṁ prajñāpāramitānayamukhaṁ dharmaparyāyaṁ dine dine kālyamutthāyoccārayiṣyati śroṣyati vā sa sarvasukhasaumanasyalābhī mahāsukhavajrā-moghasamayasiddhimātyantikīmihaiva janmani lapsyate | sarvatathāgatavajraguhyottamasiddhirmahāvajradharo bhaviṣyati tathāgato veti ||

atha bhagavānvajrapāṇiṁ guhyakādhipatimāmantrayate sma | imāni guhyakādhipate pañcaviṁśatiprajñāpāramitānayamukhāni dhārayitavyāni - oṁ bodhicittavajre ||1||

oṁ samantabhadracarye ||2|| oṁ cintāmaṇi ||3|| oṁ anirodhe ||4|| oṁ jātivivartani ||5|| oṁ sarvavijñāne ||6|| oṁ mahāvirāgadharmate ||7|| oṁ vīryakavace ||8|| oṁ sarvagāmini ||9|| oṁ vajrakavacadṛḍhacitte ||10|| oṁ sarvatathāgate ||11|| oṁ svabhāvaviśuddhe ||12|| oṁ dharmatājñānaviśuddhe ||13|| oṁ karmaviśodhani hūṁ ||14|| oṁ nisumbhavajriṇi phaṭ ||15|| oṁ kāmarāge ||16|| oṁ jaha vajre ||17|| oṁ hūṁ sarvadāyini ||18|| oṁ hrīḥ ||19|| oṁ akāramukhe ||20|| oṁ prajñāpāramite || 21|| oṁ aṁ vaṁ hūṁ oṁ aḥ ||22|| oṁ sarvatathāgatakāyāgre ||23|| oṁ sarvatathāgatavāgviśuddhe ||24|| oṁ sarvatathāgatacittavajre ||25||

nāyaṁ vajrapāṇe 'navaropitakuśalamūlānāṁ sattvānāṁ karṇapuṭe nipatiṣyati | nāpyanavaropitakuśalamūlaiḥ sattvaiḥ śakyo likhituṁ paṭhituṁ dhārayituṁ vācayituṁ satkartuṁ gurukartuṁ mānayituṁ pūjayitum | anyatra bahubuddhāvaropi-takuśalamūlāste sattvā bhaviṣyanti ya imaṁ prajñāpāramitānayamukhaṁ dharmaparyāyamantaśa ekākṣaramapi śroṣyanti | kiṁ punaḥ sakalaṁ parisamāptam | yena kenacidvajrapāṇe'śītigaṅgānadīvālukāsamāni buddhakoṭiniyutaśatasa hasrāṇi na satkṛtāni na gurukṛtāni na mānatāni na pūjitāni bhavanti tena na śakyo 'yaṁ prajñāpāramitānayamukho dharmaparyāyaḥ śrotum | tasmāccaityabhūtaḥ sa pṛthivīpradeśo bhaviṣyati yatrāyaṁ dharmaparyāyaḥ pracariṣyati | vandanīyaśca sa pudgalo bahukalpakoṭī bhaviṣyati yasyāyaṁ dharmaparyāyaḥ kāyagato vā pustakagato vā bhaviṣyati | jātismaraśca bahukalpakoṭī bhaviṣyati | na cāsya māraḥ pāpīyānantarāyaṁ kariṣyati | catvāraścāsya mahārājānaḥ pṛṣṭhataḥ pṛṣṭhataḥ samanubaddhā bhaviṣyanti rakṣāvaraṇaguptaye, anyāśca devatāḥ | na ca viṣamāparihāreṇa kālaṁ kariṣyati | sarvabuddhabodhisattvasamanvāhṛtaśca bhaviṣyati | samāsato yatra yatra buddhakṣetra ākāṅkṣiṣyate tatra tatropapatsyate | evaṁ bahvanuśaṁsaḥ prajñāpāramitānayamukho dharmaparyāyaḥ | api ca pradeśamātraṁ mayā kīrtitamiti ||

idamavocadbhagavān | āttamanaso vajrapāṇipramukhā bodhisattvā mahāsattvāḥ, sā ca sarvāvatī parṣat, sadevamānuṣāsuragandharvaśca loko bhagavato bhāṣitamabhyanandan ||

ityadhyardhaśatikā bhagavatī prajñāpāramitā samāptā || ||