• Home
• Canon Text
• 46 śālistambāvadānam

46 śālistambāvadānam

Technical Details

46. śālistambāvadānam |



dānaikatānamanasāṃ pṛthusattvabhājā-

mutsāhamānaguṇabhogavibhūṭipūtaḥ |

prākuṇyasaṃcayamayaḥ kuśalabhidhānaḥ

kāle phalatyavikalaḥ kila kalpavṛkṣaḥ ||1||



kosalendrasya bhūbhartuḥ śrāvastyām bhagavān purā |

vijahāra va rodyāne saha bhikṣagaṇairjinaḥ ||2||



ādimadhyāṇtakalyāṇaṃ bahvābhibhavasādhakam |

saṃdideśa sa saddharmaṃ trailokyakuśalodyataḥ ||3||



atrāṇtare nāgarājaputrāḥ sāgaravāsinah |

catvāraḥ sugatodīrṇaṃ saddharmaṃ paramāmṛtam || 4||



abhiratyākhyayā svasrā preritāḥ śrotumāgatāḥ |

te balātibala-śvāsa-mahāśvāsābhidhāḥ samam ||5||



krakucchandasya sudhiyaḥ kāle bhagavataḥ pura |

kanakākhyasya ca muneḥ kāśyapasya ca yatnataḥ ||6||



ājagmuḥ śrīsukhāsaktāḥ śrotumaprārthitā api |

tatpuṇyapariṇāmena prāptāḥ śākyamuneḥ purā || 7 ||



teṣu praṇamya śāstāraṃ caraṇālīnamauliṣu |

vidhāya mānuṣaṃ rūpamupaviṣṭeṣu parṣadi ||8 ||



saddharmamāyayau śrotuṃ kosalendraḥ prasenajit |

lakṣmīmandasmitacchāyaṃ nivārya cchatracāmaram ||9 ||



śāstuḥ pādapraṇāmāya viśatastasya saṃsadi |

avakāśaṃ natāścakruḥ sarve nṛpatigauravāt ||10 ||



tasyābhinandyamānasya varṣāśramagurornṛbhiḥ |

nāgarājasutāścakrurnāvakāśaṃ na satkṛtam ||11||



tasyābhinandyamānasya varṇāśramagurornṛbhiḥ |

nāgarājasutāścakrurnāvakāśaṃ na satkṛtam ||12||



sa saṃjñayā samādiśya nijaṃ parijanaṃ puraḥ |

gamane nigraham teṣāṃ nirvikāra ivābhavat || 13|



bhagavānapi sarvajñastasya jñātvā ca niścayam |

dharmopadeśaparyante provāca racitasmitaḥ ||14||



na vidveṣarajaḥpūrṇamanomalinadarpaṇe |

bhāti dharmopadeśasya pratibimbapratigrahaḥ ||15 ||



avihitasamatānāṃ kopamohāhatānāṃ

kṛśamapi kuśalāṃśaṃ nopadeśaḥ karoti |

na hi vahutaradoṣe śuddhihīne śarīre

vrajati hatamatīnām bheṣajaṃ bheṣajatvama ||16||



iti yuktaṃ bhagavatā hitamuktaṃ mahīpatiḥ |

śrutvāpi na ca tatyāja nāgeṣu vimanaskatām ||17||



bhagavantaṃ praṇamyātha prayāte svapadaṃ nṛpe |

nāgāstatsainikābaddhamārge vyomapathā yayuḥ ||18 ||



te vicintya svabhavane kṣmāsaṃkṣayakṛtakṣaṇāḥ |

ghoranirghātameghaughagrastalokāḥ samāyayuḥ ||19 ||



teṣāṃ vyavasitaṃ jñātvā sarvaġyaḥ pakṣapātinām |

rakṣḥākṣamaṃ kṣitipatermaudgalyāyanamādiśat ||20 ||



atha nāgagaṇotsṛṣṭā vajravṛṣṭirmahīpatau |

bhūbhartustatprabhāveṇa prayayau puṣpavṛṣṭitām ||21||



śastrāstravṛṣṭirnibiḍakṣiptā tairatha duḥsahā |

maudgalyāyanasaṃkalpādyayau rājārhabhojyatām ||22||



tatprabhāvātprayāteṣu bhognotsāheṣu bhogiṣu |

gatvā vavande sugataṃ nṛpatirvītaviplavaḥ ||23||



sa maudgalyāyanasyārghyamucitaṃ bhogasaṃpadā |

bhaktisaṃskārasubhagaṃ vidadhe jianśāsanāt ||24||



tataḥ svargocitām bhikṣurvibhūtiṃ vīkṣya bhūpateḥ |

papraccha kautukavaśāt sarvaġyaṃ caritāñjaliḥ ||25||



bhagavan kasya puṇyasya prabhāveṇa prasenajit |

sarvairvirājitaṃ bhogaiḥ prājyaṃ rājyamavāptavān ||26 ||



ikṣustambavadetasya śālistambaśca jāyate |

divyapānānnasaṃpattiḥ phalaṃ tatkasya karmaṇaḥ || 27 ||



iti pṛṣṭaḥ praṇayinā bhikṣuṇā bhagavān jinaḥ |

uvāca śrūyatāṃ rājñaḥ kāraṇaṃ bhogasaṃpadām ||28 ||



kosale'smin janapade khaṇḍākhyaguḍakarṣakaḥ |

dadau pratyekabuddhāya pūrvamikṣurasaudanam ||29 ||



bhuktenekṣurasānnena tena vātagadārditaḥ |

pratyekabuddhastatpuṇyaiḥ prasannaḥ susthatāṃ yayau ||30 ||



rājā prasenajit so'yaṃ puṇyavān guḍakarṣakah |

tena puṇyaprabhāveṇa bhogabhāgī virājate ||31||



upakāraḥ kṛtajñānāṃ nikāraḥ krūracetasām |

sukṛtāṃśaśca śādhūnāmaplo'pyāyātyanalpatām || 32||



sarvajñeneti kathite pūrvapuṇye mahīpateḥ |

babhūva sukṛtotkarṣe bhikṣurāścaryaniścalah ||33||



atha bhaktyā bhagavataḥ kṛtvā rājādhivāsanām |

upaninye svayaṃ tāṃ tāṃ surārhāṃ bhogasaṃpadam ||34||



paropacārai rucirairarcite kāñcanāsane |

sukhopaviṣṭaṃ provāca naranāthastathāgatam ||35||



bhagavan me bhavadbhaktivibhaktasukṛtaśriyaḥ |

cayah kuśalamūlānāmanirmuktyai bhaviṣyati ||36 ||



vinayātpārthiveneti pūrṇapuṇyābhimāninā |

pṛṣṭaḥ smitasitālokaṃ jagāda sugataḥ sṛjan ||37 ||



rājan saṃsāramārgo'yamanādinidhanodbhavaḥ |

helālaṅghyaḥ kathaṃ puṃsāmaprāpya kleśasaṃkṣayam ||38 ||



ciraparicitaiścakrāvartairasaktagatāgatiḥ

prakṛtigahanaḥ saṃsāro'yaṃ sukhena na laṅghyate |

asati hi vinā yogābhyāsaṃ kṣaye kila karmaṇāṃ

sphuṭaphalatatirdharmo'pyasminnibandhanatām gataḥ ||39 ||



sarvato vinivṛttasya dānābhyāsena bhūyasā |

mamāpi dharmasaṃsāro babhūva bhūrijanmakṛt || 40 ||



dhaniko nāma dhanavān vārāṇasyāmabhūtpurā |

tāpāpahaḥ phalasphīṭaśchāyāvṛkṣa ivārthinām ||41 ||



durbhikṣakṣapite loke viṣamakleśavihvale |

bhojyaṃ pratyekabuddhānāṃ so'rthitaḥ pañcabhiḥ śataiḥ ||42||



sa teṣāṃ parabhogārhaṃ durbhikṣāvadhi bhojanam |

akalpayadanalpaśrīḥ koṣṭhāgārī gatasmayaḥ ||43||



śatapañcakasaṃghātairbhoktuṃ tasya gṛhaṃ tataḥ |

kramātpratyekabuddhānām sahasradvayamāyayau ||44|



tasya tatpuṇyavāsena jāto labdhaphalaśriyā |

durbhikṣadānajanito ratnakośastadākṣayaḥ ||45||



sukhaṃ sanātanaṃ puṇyabhogyatvaṃ praṇidhānataḥ |

śāstustataḥ pareṇāyaṃ samyaksaṃbodhimāpitaḥ ||46 ||



puṇyena pāpena ca veṣṭiteyaṃ

saṃsāriṇāṃ karmaphalapravṛttiḥ |

sitāsitā bandhanarajjureṣā

tatsaṃkṣaye mokṣapathaṃ vadanti ||47 ||



iti kṣitīśaḥ kathitaṃ jinena

mohavyapāyena niśamya mokṣam |

kleśakṣayārhaṃ śamameva matvā

puṇyābhimānaṃ śithilīvakāra ||48 ||



iti kṣemendraviracitāyāṃ bodhisattvāvadānakalpalatāyāṃ

śālistambāvadānaṃ nāma ṣaṭcatvāriṃśaḥ pallavaḥ ||