• Home
• Canon Text
• Romanized
• śāstrapiṭaka
• stotra
• dharmadhātu
• Dharmadhātustava

Dharmadhātustava

Technical Details

dharmadhātustava

dharmadhāto' namas tubhyaṃ

sarvasattveṣv avasthita|

yasya te aparijñānād

bhramanti tribhavālaye|| <1>

ye eva dhātuḥ saṃsāre

śodhyamānaḥ sa eva tu|

śuddhaḥ sa eva nirvāṇe

dharmakāyaḥ sa eva hi||  <2>

yathā hi kṣīrasammiśaraṃ

sarpimaṇḍaṃ na dṛśyate

tathā hi kleśasammiśro

dharmadhātur na dṛśyate||  <3>

yathā viśodhitaṃ kṣīraṃ

ghṛtadravyaṃ sunirmalam|

tathā viśodhitāḥ kleśā

dharmadhātuḥ sunirmalaḥ||  <4>

yathā dīpo ghaṭastho hi 

na kiñcid avabhāsate|

tathā kleśaghaṭastho hi 

dharmadhātur na bhāsate||  <5>

(1)

yena yena hi pārśvena

cchidrībhavati tad ghaṭam|

tena tena hi pārśvena

raśmayas tasya nirgatāḥ||  <6>

yadā samādhivajreṇa

bhinnaṃ bhavati tad ghaṭam|

sa tadākāśaparyantaṃ

samantād avabhāsate|| <7>

dharmadhātur na cotpanno

na niruddhaḥ kadācana|

sarvakālam asaṅkliṣṭa

ādimadhyāntanirmalaḥ|| <8>

yathā vaiḍuryaratnaṃ hi

sarvakālaprabhāsvaram|

pāṣāṇakośe sañchannam

ābhā tasya na rājate|| <9>

evaṃ hi kleśasañchanno

dharmadhātuḥ sunirmalaḥ|

nāsau bhrājati saṃsāre

nirvāṇe tu prabhāsvaraḥ|| <10>

gotre ca sati vyāyāmo

(2)

jātarūpanidarśanāt|

gotre asati vyāyāmaḥ

śramaḥ kevalam iṣyate|| <11>

yathā hi tuṣasañchannaṃ

na dhānyaṃ tat phalaṃ matam|

tathā hi kleśasañchanno

nāsau buddheti kalpyate|| <12>

yathā hi tuṣanirmuktaṃ

tat phalaṃ pratibhāsate|

tathā hi kleśanirmukto

dharmakāyaḥ prabhāsate|| <13>

upamā kriyate loke

kadalyā nāsti sāratā|

phalāni tasya sārāṇi

bhakṣyate amṛtopamā|| <14>

evaṃ hy asāre saṃsāre

nirvṛte kleśasāgare|

(3)

phalaṃ tasyāpi buddhatvam

amṛtaṃ sarvadehinām|| <15>

evaṃ hi sarvabījeṣu

sādṛśyāṃ jāyate phalam|

bījair vinā phalaṃ nāsti

kaḥ prājñaḥ pratipatsyate|| <16>

bījabhūtas tv asau dhātur

dharmāṇām āśrayo mataḥ|

śodhyamānaḥ krameṇaivaṃ

buddhatvāspadam āvahet|| <17>

nirmālau candrasūryau hi

āvṛtau pañcabhir malaiḥ|

abhranīhāradhūmena

rāhuvaktrarajādibhiḥ|| <18>

evaṃ prabhāsvaraṃ cittam

āvṛtaṃ pañcabhir malaiḥ|

kāmavyāpādamiddhena

auddhatyavicikitsayā|| <19>

(4)

agniśaucaṃ yathā vastraṃ

malinaṃ vividhair malaiḥ|

agnimadhye yathā kṣiptaṃ

malaṃ dagdhaṃ na vastratā|| <20>

evaṃ prabhāsvaraṃ cittaṃ

malinaṃ rāgajair malaiḥ|

jñānāgninā malaṃ dagdhaṃ

na dagdhaṃ tat prabhāsvaram|| <21>

śūnyatāhārakāḥ sūtrā

ye kecid bhāṣitā jinaiḥ|

sarvais taiḥ kleśavyāvṛttir

naiva dhātor vināśanam|| <22>

pṛthivyantarhitaṃ toyaṃ

yathā tiṣṭhati nirmalam|

kleśair antaritaṃ jñānaṃ

tathābhāti sunirmalam|| <23>

dharmadhātur yato nātmā

na ca strīnṛnapuṃsakaḥ|

(5)

sarvagrāhavinirmuktaḥ

katham ātmeti kalpyate|| <24>

sarve dharmā hy asaṃsaktāḥ

strīpuṃstvaṃ hi na vidyate|

rāgāndhavineyārthāya

strīpuṃstvaṃ hi pradarśitam|| <25>

anityaduḥkhaśūnyeti

cittanidhyaptayas trayaḥ|

paramā cittanidhyaptir

dharmāṇāṃ niḥsvabhāvatā|| <26>

yathā hi garbho garbhiṇyāṃ

vidyate na ca dṛśyate|

tathā hi kleśasañchannaṃ

dharmatattvaṃ na dṛśyate|| <27>

caturṇāṃ hi vikalpānām

utpattir bhūtabhautikāt|

ahaṃmamavikalpo hi

(6)

nāmasañjñānimittajaḥ|| <28>

praṇidhānaṃ hi buddhānāṃ

nirābhāsam alakṣaṇam|

pratyāmavedyayogitvād

buddhānāṃ nityadharmatā|| <29>

yathā śaśaviṣāṇāṃ hi

kalpyamānaṃ na vidyate|

tathā hi sarvadharmeṣu

kalpitaṃ naiva vidyate|| <30>

paramāṇurajaḥ kintu

goviṣānaṃ na vidyate|

yathā pūrvaṃ tathā paścāt

tasya kiṃ kalpyate buddhaiḥ|| <31>

pratītyopadyate caiva

pratītya ca nirudhyate|

ekasya sambhavo nāsti

kathaṃ bālair vikalpyate|| <32>

(7)

śaśagośṛṅgadṛṣṭānatam

ubhau kalpitalakṣaṇau|

madhyamā pratipadyeta

yathā sugatadharmatā|| <33>

yathā candrārkatārāṇāṃ

svaccha udakabhājane|

dṛśyate pratibimbaṃ hi

tathā niṣpannalakṣaṇam|| <34>

ādhimadhyāntakalyāṇam

avisaṃvādakaṃ dhruvam|

yasya caivaṃvidhānātmā

katham ātmeti kalpyate|| <35>

grīṣmakāle yathā vāri

uṣṇam ity abhidhīyate|

tad eva śītakāleṣu

śītam ity abhidhīyate|| <36>

āvṛtaṃ kleśajālena

cittam ity abhidhīyate|

(8)

tad eva kleśāpagamād

buddha ity abhidhīyate|| <37>

cakṣuḥ pratītya rūpaṃ ca

avabhāsāḥ sunirmalāḥ|

anutpannāniruddhās te

dharmadhātuṃ prajānatha|| <38>

śrotram pratītya śabdaṃ ca

cittaṃ vijñaptayas trayaḥ|

śrūyate svavikalpena

dharmadhātur alakṣaṇaḥ|| <39>

ghrāṇaṃ gandhāśritaṃ ghrāṇi

arūpam anidarśanam|

ghrāṇavijñānatathātā

dharmadhātur vikalpyate|| <40>

jihvā svabhāvaśūnyā hi

rasadhātur viviktatā|

(9)

apratiṣṭhitavijñānaṃ

dharmadhātusvabhāvatā|| <41>

śuddhakāyasvabhāvena

sparśapratyayalakṣaṇam|

pratyayebhyo vinirmuktaṃ

dharmadhātuṃ vadāmy aham|| <42>

manaḥ pradhānadharmeṣu

kalpyakalpanavarjitam|

dharmāṇāṃ niḥsvabhāvatvaṃ

dharmadhātur vibhāvyate|| <43>

paśyate śṛṇute ghrāti

svādate spṛśatīti ca|

dharmān vijānate yogī

evaṃ niṣpannalakṣaṇam|| <44>

cakṣuḥ śrotraṃ ca ghrāṇaṃ ca

jihvā kāyo manas tathā|

ṣaḍāyatanaṃ viśuddham

etat tattvasya lakṣaṇam|| <45>

(10)

cittam eva dvidhā dṛṣṭaṃ

loki lokottaraṃ ca yat|

ātmagrāheṇa saṃsāraḥ

pratyātma tathātā hi tat|| <46>

rāgakṣayo hi nirvāṇaṃ

dveṣamohakṣayaś ca yat|

tasya bodhāya buddhatvaṃ

śaraṇaṃ sarvadehinām|| <47>

asmiṃ kalevare sarvaṃ

jñānam ajñānam eva ca|

badhyate svavikalpena

mucyate svaparijñayā|| <48>

bodhir na dūre nāsanne

na gatā nāpi vāgatā|

na dṛśyate dṛśyate caiva

(11)

atraiva kleśapañjare|| <49>

uktaṃ ca sūtravargeṣu

viharaty ātmacintakaḥ|

prajñādīpavihāreṇa

paramāṃ śāntim āgataḥ|| <50>

na bodher dūraṃ sañjñī syān

na sāsannā ca sañjñinaḥ|

ṣaṇṇāṃ hi viṣayābhāso

yathābhūtaṃ parijñāyā|| <51>

yathādakena sammiśraṃ

kṣīram ekatra bhājane|

kṣīraṃ pibanti haṃsā hi

udakaṃ ca tathā sthitam|| <52>

evaṃ hi kleśasammiśraṃ

jñānam ekatra bhājane|

pibanti yogino jñānam

ajñānaṃ sphorayanti te|| <53>

ahaṃ mameti vā grāho

yāvad bāhyo vikalpyate|

dṛṣṭe viṣayanairātmye

(12)

bhavabījaṃ nirudhyate|| <54>

buddho hi parinirvāti

śucir nityaśubhālayaḥ|

kalpayanti dvayaṃ bālā

advayaṃ yogināṃ padam|| <55>

duṣkarair vividhair dānaiḥ

śīlaiḥ sattvārthasaṅgrahaiḥ|

sattvopakārakṣāntyā ca

dhātupuṣṭir iyaṃ tridhā|| <56>

vīryaṃ ca sarvadharmeṣu

dhyāne cittaṃ pracāritam|

prajñāyām acalaṃ nityaṃ

bodhipuṣṭir iyaṃ punaḥ|| <57>

upāyasahitā prajñā

praṇidhānair viśodhitā|

baleṣu suṣṭhitaṃ jñānaṃ

dhātupuṣṭiś caturvidhā|| <58>

mā bhodhisattvān tu vandeti

(13)

atidurbhāṣitaṃ kṛtam|

bodhisattvam ajīvaṃ tu

---------- <59>

----------

----------

----------

---------- <60>

----------

sannidhāyātra cintayet|

guḍaśarkarakhaṇḍānām

utpattis tatra jāyate||  <61>

rakṣite bodhicitte hi

sannidhāyātra cintayet|

arhatpratyekabuddhānām

utpattis tatra jāyate||  <62>

yathā śālyāṅkurādīnāṃ

rakṣāṃ kurvanti kārṣikāḥ|

tathāśrayādhimuktānāṃ

(14)

rakṣāṃ kurvanti nāyakāḥ||  <63>

yathā kṛṣṇacaturdaśyāṃ

dṛśyate candravigraham|

tathāgrayānādhimuktānāṃ

dṛśyate buddhavigraham|  <64>

yathaiva bālacandrasya

dṛṣṭā vṛddhiḥ kṣaṇe kṣaṇe|

tathā bhūmipraviṣṭānāṃ

dṛṣṭā vṛddhiḥ kṣaṇe kṣaṇe||  <65>

yathā hi pañcadaśyāṃ vai

pūrṇacandro hi jāyate|

tathā niṣṭhāgatābhūmyāṃ

dharmakāyo hi jāyate||  <66>

adhimuktidṛḍhaṃ yasya

buddhe dharme ca nityaśaḥ|

utpādayati tac cittam

anivartyam bhave bhave||  <67>

kṛṣṇāśrayaparāvṛttiḥ

śuklāśrayaparigrahaḥ|

(15)

tadā tasyāvabodhena

muditety abhidhīyate||  <68>

malimaṃ nityakālaṃ hi

rāgādyair vividhair malaiḥ|

malābhāve ca yā śuddhiḥ

vimalety abhidhīyate||  <69>

nirodhāt kleśajālasya

prabhābhrājavinirmalā|

apramāṇāndhakārasya

vigatā tu prabhākarī||  <70>

śuddhā prabhāsvarā nityaṃ

saṅgajaiḥ parivarjitā|

jñānārciṣaiḥ parivṛtā

bhūmir arciṣmatī matā|| <71>

sarvavidyākalāśilpa-

dhyānānāṃ ca vicitratā|

durjayānāṃ hi kleśānāṃ

vijayā tu sudurjayā|| <72>

tisṛṇām api bodhīnāṃ

saṅgrahaḥ sarvasampadām|

utpādavyayagambhīrā

bhūmis tv abhimukhībhūtā|| <73>

(16)

krīḍate raśmijālena

cakravyūhaiḥ samantataḥ|

trilokāt tīrṇapaṅkaughair

dūraṅgamā iti smṛtā|| <74>

buddhaiḥ sandhriyamāṇo'sau

praviṣṭo jñānasāgare|

anābhogavaśiprāptaḥ

akampyā mārakiṅkaraiḥ|| <75>

pratisaṃvitsu sarvāsu

sa yogī pāramīgataḥ|

dharmadeśana sāṅkathyair

bhūmiḥ sādhumatī smṛtā|| <76>

kāyaṃ jñānamayaṃ rāmyam

ākāśam iva nirmalam|

sandhārayati buddhānāṃ

dharmameghā samantataḥ| <77>

āśrayaḥ sarvadharmāṇāṃ

(17)

caryāphalaparigrahaḥ|

āśrayasya parāvṛttir

dharmakāyo'bhidhīyate|| <78>

acintyo vāsanād muktaś

cintyaḥ saṃsāravāsanaḥ|

tvam acintyo'si sarveṣāṃ

kas tvā vijñātum arhati|| <79>

sarvavāgviṣayātītaṃ

sarvendriyam agocaram|

manovijñānagamyo'si

yo'si yo'si namo'stu te|| <80>

krameṇa samudānītā

buddhaputrā mahāyaśāḥ|

dharmameghena jñānena

śūnyaṃ paśyanti dharmatām|| <81>

yadā prakṣālitaṃ cittam

uttīrṇaṃ bhavasāgarāt|

(18)

mahāpadmamayaṃ tasya

āsanaṃ sampratiṣṭhati|| <82>

anekaratnapattrābhaṃ

lakṣaṇojjvalakalpikam|

anekaiḥ padmakoṭībhiḥ

samantāt parivāritam|| <83>

daśabhiś ca balair bālas

tiṣṭhate bālacandravat|

kleśair malinasattvānāṃ

na paśyati tathāgatam|| <84>

yadā pretāḥ samantāt tu

śuṣkaṃ paśyanti sāgaram|

tathaivājñānadagdhānāṃ

buddho nāstīti kalpanā| <85>

sattvānām alpapuṇyānāṃ

bhagavān kiṃ kariṣyati|

jātya .........

(19)