• Home
• Canon Text
• Romanized
• sūtrapiṭaka
• tantra
• sahajayāna
• Nānāsiddhopadeśaḥ

Nānāsiddhopadeśaḥ

Technical Details

nānāsiddhopadeśaḥ

padmāṅkurasya-

prajñopāyayormahāsukhacakrasthamoṅkārahakārādavatīrṇau(rṇo) jñānaceta-
maṇisūtravadekīkṛtya dolayā mahāmudropadeśaḥ |

prajñārakṣitasya-
kamalakuliśānubhavitvasadbinduranakṣaraśikhāgrato mahāmudropadeśa-
stattvapārago mahāsukhacakrāvatīrṇo jñānatantuṃ samarasīkṛtya dolayā
sahajayogaḥ |

nelīpādasya-
kuliśamaṇiniviṣṭo jñānabinduranakṣaraḥ |
āśusiddhikaraḥ prokto nelīpādena dhīmatā ||

raviguptasya-
jñānadīpaśikhākāro nirmāṇābjendumadhyagaḥ |
haṃkāraṃ drāvayatyāśu raviguptena bhaṣitam ||

kṛṣṇācāryāṇām-
kṛṣṇācāryaiḥ samākhyātā caṇḍālī nābhimadhyagā |
ādisvarasvabhāvā'sau dahatyanāhataṃ mukhāt ||

nirmāṇe tilakā khyātā vasanto dharmacakragaḥ |
dvayorekasvabhāvastu kṛṣṇācāryeṇa khyāpitam ||

sarahapādānām-
nirmāṇacakradvaye nābhau pañcākṣaravibhāvanā |
kartavyā yogayuktena khyāpitaṃ saraheṇa tu ||

mahīdharasya-
nirmāṇacakre śūnyasvabhāvā caṇḍālī anāhatapriyeti mahīdharaḥ |

bhūripādānām-
nirmāṇacakrādyākārakamalavaraṭake'karahakārau
mṛṇālatantvākāreṇaikībhūyā'nāhatadrāviṇāviti bhūripādāḥ |

vīṇāpādasya-
nirmāṇacakre ravisomasampuṭajñānabindusamutthitau rekhayā āli-
kālisampuṭasvarūpayā tribhirveṣṭaya punarutthitau rekhādvayaprajñopāya-
svabhāvau | ekā śuklā dharmacakrāt pratinivṛtya paśyet , dvitīyā
cakraṃ prajñāsvabhāvā anāhataṃ kāntamivāliṅgayatīti vīṇāpādamataṃ
kila |

virūpācāryasya-
nirmāṇacakre'ntarīkṣacakrasthamoṅkāraṃ mukhena śītkāravāyvapraveśena
gaṇayed budha iti virūpācāryeṇa deśitam |

mukhena gholayet prājño yāvadadvayatāṃ vrajet |
akārākṣarahakārau virūpācāryeṇa deśitam ||

nāgabuddheḥ-
nirmāṇapadmasthayonicakrasya karṇikā jvalati dharmacakragatā bhavet,
saṃbhogasthānāhatarekhayā ekībhavatīti nāgabuddheḥ |

diṅnāgasya-
mukhena nirgamapraveśavāyunā akārahaṃkārau tāvad gholayed yāvada-
dvayatāṃ vrajet | tato'dharadaśane saṃsthāpya rasanayā ākramediti
diṅnāgaḥ |

mātaleḥ-
mukhe rakta aṃkāro nirgamena ca vāyunā |
upāyaśukrahuṃkārapraveśena ca gholayet ||
ekībhavanato nityaṃ kakatuṇḍī prasiddhayati |
miktābhaṃ jñānabinduṃ nāsāgre bhāvayet sudhīḥ ||
karṇe vāsati śabdāṃśca mataliḥ saṃpracakṣate ||

matsyendrasya-

nāgasaṃ(?)kāyamukhākṣikarṇanāsikā api vā vāyuyantraṇādadhigapi-
(ko'pi) jvalate vīro matsyendramatamīdṛśam |

uddeśamamuccayaḥ

prajñāśirasi oṅkāramupāyaśirasi hūdvayamadhomukham | antarmadhye ca vajrādimukhe prajñāsthitavāyunā hato bindurupāyaśikhāgraṃ yāti |
upāyavāyunā hato binduḥ [prajñā]śikhāgraṃ yāti | jñānabinduḥ sukharūpatvena
cintitaḥ san jñānadīpaśikhākāra oṅkāravacoliṅgitaḥ sukhamayatvena
vibhāvitaḥ san dāhānantaraṃ śikhāt sukhamayabhāvanāt | tilakā oṅkāro
vasanto hūkāro'dhomukha ekasvabhāvaḥ | na sukhamayacittat | cakradvaye lā hū mā ityādyakṣarāṇi jñānabodhicittadrāvakaṇi | tadanu mu(su)kha-
bhāvanāmātram |

yaccakrādvinivṛtya jñānabinduṃ mukhaṃ parivartya pśyati, dharmacakrastha-
kāntamaliṅgāti, oṅkāravajramukhena vāyuṃ praveśayet sukhasvabhāvatvena |

a(o)ṅkāraṃ niḥsarantaṃ vāyvākṛṣṭaṃ hukāraṃ praviśdvāyvārūḍhaṃ
gholayet | arthayatā niḥsvabhāvatā yāvat | adharadaśane'dhodantapaṅktau
jihvāmāroca(pa)yet | advayato niḥsvabhāvatā | kākatuṇḍīmukhena vāyu-
nirgamaḥ | naranāsikāyāṃ nirgaccet | apraviśed(śati) vāyau haṃ nāsāgre
prajñapadmanasāgre gholarandhrāgre ca vāsati śabdaṃ karoti sukharūpaṃ bindum |

mukhādikaṃ prathamādeva bhāvanayā hastadvayāṅgulyā pīḍayet, bhāvanā-
prakarṣeṇa mantrayet ||

||iti nānāsiddhopadeśaḥ ||