Digital Sanskrit Buddhist Canon

dvitīyaḥ paricchedaḥ

Technical Details
  • Text Version:
  • Input Personnel:
  • Input Date:
  • Proof Reader:
  • Supplier:
  • Sponsor:


 



dvitīyaḥ paricchedaḥ



munivratasamāśrayaḥ



 



evaṃ dṛḍhamahābodhisamādāno jagaddhite |



pratirūpaṃ pratipadaṃ pratipanno virājate ||1||



sa maitryāpratighātinyā kāruṇyena prasarpiṇā |



saddharmādhigamātṛpto dharmadāne vimatsaraḥ ||2||



ṛjunāhatamānena manasā tattvadarśinā |



paradoṣekṣaṇāndhena svadoṣāpattibhīruṇā ||3||



vivādalokasaṃsargalokāyataparāṅmukhaḥ |



nirguṇe'pi guṇāghānapratataḥ sraṃsitādaraḥ ||4||



kṛpodbhūtena dānena sarvajñatvagataspṛhaḥ |



sarvasya janakāyasya sarvaduḥkhopaśāntaye ||5||



śīlāmalajalasnāyī kṣamāsitapavitrakaḥ |



vīryabaddhajaṭābhāro dhyānajñānaparāyaṇaḥ ||6||



samunmiṣitadhīnetraḥ śāstralokajñatāpaṭuḥ |



hnīvyavatrāpyavasanaḥ sauratyatanubandhanaḥ ||7||



kṛpākṛṣṇājinadharaḥ śraddhāmalakamaṇḍaluḥ |



smṛtiguptendriyadvāro dhṛtivetrāsanāsanaḥ ||8||



mahāyānamahāramyatapovanasamāśrayaḥ |



dhyānaprītiphalāhāraḥ smṛtyupasthānagocaraḥ ||9||



gambhīrodārasūtrāntasvādhyāyahatakilbiṣaḥ |



pratītyotpādasāvitrīṃ japan satyadvayāśrayāt ||10||



varṇāḍhyaiḥ pratipatpuṣpaiḥ sarvadiggandhavāhibhiḥ |



upāsīnastvaharahaḥ samyaksaṃbuddhabhāskaram ||11||



hutākuśalasaṃkalpaḥ pratisaṃkhyānapāvake |



munivrataṃ caredevamanuttarapadāptaye ||12||



munivratasamāśrayo nāma dvitīyaḥ paricchedaḥraddhāmalakamaṇḍaluḥ |



smṛtiguptendriyadvāro dhṛtivetrāsanāsanaḥ ||8||



mahāyānamahāramyatapovanasamāśrayaḥ |



dhyānaprītiphalāhāraḥ smṛtyupasthānagocaraḥ ||9||



gambhīrodārasūtrāntasvādhyāyahatakilbiṣaḥ |



pratītyotpādasāvitrīṃ japan satyadvayāśrayāt ||10||



varṇāḍhyaiḥ 


uwestlogo

The rights of the materials herein are as indicated by the source(s) cited. Rights in the compilation, indexing, and transliteration are held by University of the West where permitted by law. See Usage Policy for details.

Our Address
Newsletter

Subscribe to our newsletter for latest updates about the canon text of our project