Digital Sanskrit Buddhist Canon
- (626) 571-8811 ext.321
- [email protected]
3 kāyajugutsāvargaḥ
Technical Details
- Text Version:
Romanized
- Input Personnel:
DSBC Staff
- Input Date:
2006
- Proof Reader:
Miroj Shakya
- Supplier:
Nagarjuna Institute of Exact Methods
- Sponsor:
University of the West
- Parallel Devanāgarī version ३. कायजुगुत्सावर्गः
kāyasya svarūpanirūpaṇam
satkārairvṛhaṇairmāsairapi śayyāsanādibhiḥ |
na svīkartumayaṃ kāyaḥ kadācit kenacit kṛtaḥ ||1||
kāyasya riputvam
kṛtaghnasyāvidakṣasya nityaṃ randhraprahāriṇaḥ |
kaḥ kāyasya riporartha pāpaṃ kuryād vicakṣaṇaḥ ||2||
rogānī tamanarthānāṃ bahūnā bhājanaṃ tathā |
aśucyaṅgasya nikaraṃ kāyamityabhidhīyate ||3||
avijñeyaṃ maraṇaṃ jīvitañca kṣaṇikam
upasthitamavijñeyaṃ maraṇaṃ tattvacintakaiḥ |
jīvitaṃ ca kṣaṇādūrdhvaṃ na gacchati nirūpyate ||4||
kāyasya heyatvam
āyuṣkarmārthanirmāṇametaṃ kāyaṃ tyajyayam |
api viddhastathā śete kāṣṭhaloṣṭhasamo bhuvi ||5||
kṣaṇe kṣaṇe'pi kāyo'yaṃ jīryate na nivartate |
tathā yauvanamadairbālā muhayante (mugdhacetasaḥ) ||6||
dhanadhānyamadairmattāḥ kurvantyahitamātmanaḥ |
tannāśamupayātyevaṃ sa ca pāpena dahayate ||7||
adhārmikanindā
na manuṣyā manuṣyāste yebhyo dharmo na rocate |
na mārge ca sthitāstattve nirvāṇapuragāmike ||8||
manuṣyayoneḥ bhavasāgarataraṇopāyaḥ
kathaṃ prāpya hi mānuṣyaṃ śreyasāmālayaṃ mahat |
na jñānaplavamārūhaya taranti bhavasāgarāt ||9||
jīvanasya kṣaṇikatā
vidyudālātasadṛśaṃ gandharvanagaropamam |
sadā tad yāti rabhasaṃ jīvitaṃ sarvadehinām ||10||
śarīre na madaṃ kuryāt kṣaṇike bhaṅgure sadā |
itvare capale'sāre jarāmaraṇabhīruke ||11||
dhyāyinānnagataṃ hyetat śokānāmālayo mahān |
śubhāśubhānāṃ kṣetraṃ ca śarīramavadhīyate ||12||
saphalajīvanarahasyam
jñānaśīladayādānairyasya gātraṃ vibhūṣitam |
tasya sattvaikasārasya śarīraṃ saphalaṃ matam ||13||
dhātujñānāt mokṣaḥ
dhātūnāṃ mārakāt sarvamidaṃ muktaṃ kalevaram |
śarīradhātu vicayāt sākṣād bhavati netarāt ||14||
śarīradhātuṃ yo muktvā dhātuṣvanyeṣu rajyate |
sa dhātukatvaśikṣāto duḥkhenaiva pramucyate ||15||
hiraṇyadhāturna tathā duḥkhaśāntyai hi vartate |
śarīradhātutattvajño yathā duḥkhāt pramucyate ||16||
duḥkhād duḥkhodayastena duḥkhī na parirakṣyate |
pravīṇo rājacaurādibhayaiḥ sarvairūpadrutam ||17||
tasmādanarthakaṃ nityaṃ dūratastaṃ vivarjayet |
varjanāt sukhito duṣṭasaṅgrahād duḥkhitaḥ pumān ||18||
śarīradhātutattvajño dhātulakṣaṇatattvavit |
dhyānādhyayanasaṃsakto dahati kleśaparvatān ||19||
tasmāccharīrajān dhātūn paṇḍitaḥ pratyavekṣate |
teṣāṃ svalakṣaṇaṃ jñātvā mokṣo bhavati dehinām ||20||
||iti kāyajugupsāvargastṛtīyaḥ ||
The rights of the materials herein are as indicated by the source(s) cited. Rights in the compilation, indexing, and transliteration are held by University of the West where permitted by law. See Usage Policy for details.
Our Address
Newsletter
Subscribe to our newsletter for latest updates about the canon text of our project