Digital Sanskrit Buddhist Canon

Caṇḍikādaṇḍakastotram

Technical Details
  • Text Version:
    Romanized
  • Input Personnel:
    DSBC Staff
  • Input Date:
    2004
  • Proof Reader:
    Miroj Shakya
  • Supplier:
    Nagarjuna Institute of Exact Methods
  • Sponsor:
    University of the West
caṇḍikādaṇḍakastotram



om namaḥ śrīcaṇḍikāyai



ūṃ ūṃ ūṃ ugracaṇḍaṃ cacakitacakitaṃ caṃcarā(lā) durganetraṃ

hū hū hūṃkārarūpaṃ prahasitavadanaṃ khaṅgapāśān dharantam|

daṃ daṃ daṃ daṇḍapāṇiṃ ḍamaruḍimiḍimāṃ ḍaṇḍamānaṃ bhramantaṃ

bhraṃ bhraṃ bhraṃ bhrāntanetraṃ jayatu vijayate siddhicaṇḍī namaste|| 1||



ghraṃ ghraṃ ghraṃ ghorarūpaṃ ghughuritaghuritaṃ ghargharīnādaghoṣaṃ

huṃ huṃ huṃ hāsyarūpaṃ tribhuvanadharitaṃ khecaraṃ kṣetrapālam|

bhrūṃ bhrūṃ bhrūṃ bhūtanāthaṃ sakalajanahitaṃ tasya dehā (?) piśācaṃ

hū hū hūṃkāranādaiḥ sakalabhayaharaṃ siddhicaṇḍī namaste|| 2||



vraṃ vraṃ vraṃ vyomaghoraṃ bhramati bhuvanataḥ saptapātālatālaṃ

kraṃ kraṃ kraṃ kāmarūpaṃ dhadhakitadhakitaṃ tasya haste triśūlam|

druṃ druṃ druṃ durgarūpaṃ bhramati ca caritaṃ tasya dehasvarūpaṃ

maṃ maṃ maṃ mantrasiddhaṃ sakalabhayaharaṃ siddhicaṇḍī namaste|| 3||



jhaṃ jhaṃ jhaṃkārarūpaṃ jhamati jhamajhamā jhaṃjhamānā samantāt

kaṃ kaṃ kaṃkāladhārī dhudhuritadhuritaṃ dhundhumārī kumārī|

dhūṃ dhūṃ dhūṃ dhūmravarṇā bhramati bhuvanataḥ kālapāstriśūlaṃ

taṃ taṃ taṃ tīvrarūpaṃ mama bhayaharaṇaṃ siddhicaṇḍī namaste|| 4||



raṃ raṃ raṃ rāyarudraṃ rurudhitarudhitaṃ dīrghajihvākarālaṃ

paṃ paṃ paṃ pretarūpaṃ samayavijayinaṃ sumbhadambhe nisumbhe|

saṃgrāme prītiyāte jayatu vijayate sṛṣṭisaṃhārakārī

hrīṃ hrīṃ hrīṃkāranāde bhavabhayaharaṇaṃ siddhicaṇḍī namaste|| 5||



hūṃkārī kālarupī narapiśitamukhā sāndraraudrārajihve

hūkārī ghoranāde paramaśiraśikhā hāratī piṅgalākṣe|

paṅke jātābhijāte curu curu curute kāminī kāṇḍakaṇṭhe

kaṅkālī kālarātrī bhagavati varade siddhicaṇḍī namaste|| 6||



ṣṭrīṃ ṣṭrīṃ ṣṭrīṃkāranāde tribhuvananamite ghoraghorātighoraṃ

kaṃ kaṃ kaṃ kālarūpaṃ ghughuritaghuritaṃ ghuṃ ghumā bindurūpī|

dhūṃ dhūṃ dhūṃ dhūmravarṇā bhramati bhuvanataḥ kālapāśatriśūlaṃ

taṃ taṃ taṃ tīvrarūpaṃ mama bhayaharaṇaṃ siddhicaṇḍī namaste|| 7||



jhrīṃ jhrīṃ jhrīṃkāravṛnde pracaritamahasā vāmahaste kapālaṃ

khaṃ khaṃ khaṃ khaṅgahaste ḍamaruḍimaḍimāṃ muṇḍamālāsuśobhām|

ruṃ ruṃ ruṃ rudramālābharaṇavibhūṣitā dirghajihvā karālā

devi śrī ugracaṇḍī bhagavati varade siddhicaṇḍī namaste|| 8||



āruṇavarṇasaṅkāśā khaḍgapheṭakabindukā|

kāmarūpī mahādevī ugracaṇḍī namo'stute||9||



śrī caṇḍikādaṇḍakastotraṃ samāptam|
uwestlogo

The rights of the materials herein are as indicated by the source(s) cited. Rights in the compilation, indexing, and transliteration are held by University of the West where permitted by law. See Usage Policy for details.

Our Address
Newsletter

Subscribe to our newsletter for latest updates about the canon text of our project